كلمة حق الشيخ زايد

فراق الاكابر
القصيدة: فراق الاكابر

بصدورنا كنه طعون السكاكين

ولعيون مثل الكفن والمقابر

حنا حزنا للشيوخ البعيدين

و شلون ما نحزن على الشيخ جابر

يكبر غلا تدمع على شانه العين

يا أعز من ناحت عليه المنابر

يا متعب بعطفك شموخ السلاطين

يا مثبت بزدهك سمو المخابر

يا من خلقه الله وطن للمساكين

يا أصدق قصيد سيَلته المحابر

رحت وتركت محبتك عندنا دين

علمتنا معنى فراق الأكابر

يا سيدي نلقى مثل طيبتك وين؟

وانت الذي تكبر وغيرك يكابر

إن غاب جابرنا يجي جابر منين؟

وحنا ملاهيفك مثل منت خابر

حنا يبكينا فراق البعيدين

وشلون مانبكي اذا مات جابر؟