كلمة حق الشيخ زايد

المملكه عندنا غير
القصيدة: المملكه عندنا غير

ويا نفس زفي للوجيه التباشير

ويا جفن كف من البكى والندامه

من هالدقيقه ما للأحزان تبرير

برجوع ابو خالد لنا بالسلامه

مادام سلطان الكرم حي وبخير

معاد ننشد لو تقوم القيامه

بشت يذري عن عجاج المعاصير

ووجه يرد ارواحنا بإبتسامه

وكف يجود بلا حدود ومعايير

وشهامة ما بعدها من شهامه

اكرم من اللي ماخذ الجود تبذير

واصدق من عتاب الخوي في خصامه

واشد من ظرب السيوف الشواطير

واجل من وصف يحدد مقامه

سلطان ياقرم يقود الطوابير

ياسيد الجيش السعودي وإمامه

ياشوق تلعات الرقاب الغنادير

يا منبر الدين الحنيف وحسامه

جيتك وفي صدري وطن من تعابير

وبخافقي حب الكويت وغرامه

لان الرفيق يحن ويحس ويغير

والصف الاوحد مستحيل انقسامه

شعب الكويت يكن لك كل تقدير

ويبلغ الشعب السعودي سلامه

ويعاهدك مهما تدور المقدير

نبقى لكم مثل الفشق في حزامه

لأن قدر المملكه عندنا غير

المحترم يفرض عليك احترامه

واللي يوفي بألتزامه مع الغير

عيب علينا ما نحفظ التزامه

ياجارنا اللي ما حصل منه تقصير

يا كبر دروع اهل الجزيره ظخامه

ارض الحرم .مهد الكرم.منبع الخير

طهر الظبا.ستر العبي واللثامه

يا قصة الكوثر ويا زمزم البير

ويا موقع اقدام الخليل ومقامه

اغلى ثرى تاطابه الرجل وتسير

واكثر عباد الله ورع واستقامه

ان كبروا هز الفضا صوت تكبير

ولسجودهم في ناصيتهم علامه

طول اللحا لوقارهم زود توقير

وقصر الثياب ابهم جمال ووسامه

اصحاب نهج ودينهم دين تذكير

وآمالهم تبني وطن من عدامه

لأن العمل يجمع شعوب وجماهير

عمر الجهل ما عز للدين قامه

ومن يدعي الاصلاح لأغراض تدمير

ماظن للرحمه صله بأهتمامه

الموعضه تيسير ماهيب تعزير

وحنا نميز بالحلال وحرامه

ما للهدف من قتل الاطفال تفسير

 

وصبر على فعل الجرايم غشامه

اكثر من اللي صار وشعاد بيصير

المسأله وصلت حدود الكرامه

مالله خلقنا في سمانا عصافير

والحمد لله مالنا بالرخامه

جهالنا عند المواجه مغاوير

وافعالنا صبر وثبات وجزامه

يوم الظعيف ببالشديده معيثير

حنا ليا ضاقت نطش العمامه

نفزع بوجه المدفع بسيف وبعير

ولا عاش فينا من يرد بكلامه

يامير ما يلحقكم الشك يامير

ولا غيركم يا اهل الزعامه زعامه

الله مدبر فيكم العدل تدبير

ومعكم يسود امن البلاد ونظامه

وإن كان للفتنه على الشعب تأثير

يمكن تزود وحدته والتحامه

الحكم حكم الله ولا فيه تغيير

ودوامكم ياسيدي من دوامه

والله لا عنتر ولا سالم الزير

يقدر يزعزع بأرض الاسلام هامه

مادام صقر المملكه حي وبخير

ومادام ابو خالد رجع بالسلامه

هلت على الشعب السعودي تباشير

وقامت على حزب الضلال القيامه

الله يعين العقل ويثبت الدين

في حزن لامنسي ولا هو بعابر

بصدورنا كنه طعون السكاكين

ولعيون مثل الكفن والمقابر

حنا حزنا للشيوخ البعيدين

و شلون ما نحزن على الشيخ جابر

يكبر غلا تدمع على شانه العين

يا أعز من ناحت عليه المنابر

يا متعب بعطفك شموخ السلاطين

يا مثبت بزدهك سمو المخابر

يا من خلقه الله وطن للمساكين

يا أصدق قصيد سيَلته المحابر

رحت وتركت محبتك عندنا دين

علمتنا معنى فراق الأكابر

يا سيدي نلقى مثل طيبتك وين؟

وانت الذي تكبر وغيرك يكابر

إن غاب جابرنا يجي جابر منين؟

وحنا ملاهيفك مثل منت خابر

حنا يبكينا فراق البعيدين

وشلون مانبكي اذا مات جابر؟