كلمة حق الشيخ زايد

البيت بيتي
القصيدة: البيت بيتي

مدامي اعطيت الوعد من لساني

ان ما وصلت بموعدي ما وفيتي

للجود بصدور العرب شكل ثاني

يعني ويش اللي يتعبك لي مشيتي؟

بترك مكاني.. واستريح بمكاني

كني مسافر بين بيتي.. و بيتي

اليا بغيتوني عماني .. عماني

واليا بغيتوني كويتي .. كويتي

"يا عمان" من شرق البحر جيت عاني

وانتي سبقتيني عليك و عنيتي

نفس الشعور اللي لفابك.. لفاني

و نفس الطريق اللي طويته.. طويتي

انا حملت محبتي وإمتناني

و انتي جمعتي حب شعبك وجيتي

سافرت.. لك واثرك هنا بالمحاني

سعيت لك.. واثر انتي اللي سعيتي

جيت اسكنك.. واثرك سكنتي كياني

جيت احتفي بمقابلك.. واحتفيتي

من عقب ما جيت المطار بثواني

فرشت لك حِدب الظلوع ورسيتي

لو ما لمست إلا ترابك . كفاني

لو ما حضنت إلا هبوبك . كفيتي

"مسقط" مثل بيتي واهلها إخواني

و أنا بغربه لكن البيت بيتي

اليا اعتبرتوني عماني .. عماني

واليا اعتبرتوني كويتي .. كويتي