كلمة حق الشيخ زايد

الحلم
القصيدة: الحلم

بـوقـت مــن الـبطا،وبليل تـتراقص شـياطينه

بـعد شـفت الـضيا يـنزع مـن ثياب المسا ثلثين

تـحـايلت الـمـنام الـلي مـثل بـيتك تـمرينه

وانـا الـلي مـن تـفارقنا وأنا ماغمضت لي عين

غـريـبة كــل حـلم يـمر بـرقادي تـزورينه

والاغـرب كـيف أحلم الحلم،وارجع واحلمه بعدين؟

قـبل يـومين،شفتك بـالمنام..وقمت مـن حينه!

ونـمت أمـس،ورجع نـفس المنام اللي قبل يومين

أنـا الـلي قـبل اسـافر شـلت قلبي من شرايينه

تـركته فـي يـدك مـثل الأمـانه ،واحفظيها زين

تــرى حـفـظ الأمـانه ديـن..مجبورة تـردينه

أجـل ، مـافيه أحد كد قال لك(حفظ الأمانة دين)؟!

مــرد الـمـقفي بـيلفي.. ويـستوفي ،وتـوفينه

بـعـد لـيله ،ثـلاثه،أربعه،عشره،شهر، شـهرين

إذا انـتـي ،مـاانتي بـقد الـكلام الـلي تـقولينه

حـرام..استامنك حـاجة،وإذا جـيت اطـلبك تنسين

تـخونين،وتبين أرضـى.!وأحد يـرضى تـخونينه!

أنـا لاجـيت أخـونك، مـع حبيبة ثانيه،ترضين.؟

مـن أول مـارجعت مـن السفر ماشفت لك بينه؟

وأنا اللي كنت أحسبك قبل ادوس ارض المطار..تجين

تـكونين أنـتي أول شـخص عـيني تحتضن عينه

وكـنت أتـخيلك مـن زود فـرحة رجـعتي..تبكين

وأشـوف بـدمعتك حـكيك..وأعرفه قـبل تحكينه

واجـيب أحـلى مـن الـلي بتحكينه،وأتركك تحكين

تـقـولين:الوطن نـور..وأقـول بـنـورمضوينه

تـقولي لـي:غديت أحـلى،وأقول:عيونك الـحلوين

كــلام نــام بـشـفاهك..وخفتي لاتـصـحينه

ذخـرتـيه لـغرام لـلي يـنام...ويترك تـصحين

تـغـانمتي غـيـابي..لين رجـحـتي مـوازيـنه

تـعلم مـن يـدك لـمس الـكفوف وعلمك تجفين

ولـيـتك لاقـيـه بــه شـي..فيني مـاتلاقينه!

مـهو بـغرور..لكن خـابرك مـالك أمـل تـلقين

تـغافلك بـغلا..والإ الـحلا مـهو بـمن زيـنه!!

تـزينه الـصور ..بـس الصحيح ابن الحلال زوين

وأنــا مـاني بـنقاص عـنه يـوم أنـك تـبدينه

نـصيبي..هو نـصيبي لـو يـسددها من الصوبين

قـنـوع بـمـظهري ،والـسم مـايذبح ثـعابينه

عـلى قـول الـمثل مـاني حلو..لكني ماني شين

إذا أهــداك الـزهر مـره،فأنا اهـديتك بـساتينه

وإذا ألـهاك بـفرح لـيله، فـانا تهت لبكاك سنين

وإذا اسـتـضعفتك أمـلاكـه...وشتتك مـلايـينه

أنـا حـتى فـتات الـخبزة أقـسمها مـعك نصين

طـموحي ،بـس أجـي وأظـفر بـشي تـستحقينه

تـديـنته ،تـسـلفته،سرقته ،مـومـهم مـنين؟

كـأني مـن كـثر مـاارضى بـكل الـلي تـمنينه

لـو انـك تـطلبين الله ..يـعنيني، بـقول آمـين

أنـا مـاالعب عـلى الـحبلين،وقت الطيش وسنينه

تـبين الـحين يـوم أني كبرت العب على الحبلين؟

تـرى عـند الـبدو بـالذات عـيب الـلي تسوينه

حـلاتـك لاعـشـقتي..تعشقيني لـيـوم الـدين

غـرامٍ نـسكن ضـلوعه..حشيمه مـن مـجانينه

جـفـا،يجمع مـعـزتنا...ولاعشق يــذل أثـنين

كـثـار الـلـي تـحـدوني وقـالـولي :تـحبينه

امـانـه ...لاتـخـليني صـغير بـعينهم تـكفين

لانـــي كــل مـاقـالوا(تخون)..اقول:مسكينه

عـلـيك الله وأمـانـه..علميهم مـنهو الـمسكين

أنــا خـايف لـياطاح الـجمل تـكثر سـكاكينه

وأنـا مـاعاد بـضلوعي مـكان لـطعنة السكين

مـثـل مـاقالواالمكتوب واضـح مـن عـناوينه

لـو ارحـل مـنك للغربه بسافر من ظلامك وين؟

كـفـايه..كل حـلـم يـمـر بـرقادي تـزورينه

كـفاية..من تـفارقنا..وأنا مـاغمضت لـي عـين

قـبل يـومين شـفتك بـالمنام وقـمت مـن حينه

ونـمت أمـس،ورجع نـفس المنام اللي قبل يومين