كلمة حق الشيخ زايد

تبيني صدق
القصيدة: تبيني صدق

تبيني صدق وإلا ما تبيني

قبل لا ابهذلك وتبهذليني

وقبل افقد شموخي واحترامي

و قبل لا اشمت العذال فيني

انا داخل عليك من الفضايح

تبيني صدق والا ما تبيني

نا ما نيب لعبه في يدينك

متى ما تعشقيني تعشقيني

أبيك إن كان جيتيني حبيبه

تجين بصدق والا لا تجيني

انا ما اجرح مشاعر من عشقني

ولا ارضى لي عشقتج تجرحيني

انا ما اجرح مشاعر من عشقني

ولا ارضى لي عشقتج تجرحيني

مدام اني عطيت بكل قلبي

مثل ما اعطيك من قلبي عطيني

ولي بعت العذارى واشتريتك

تبيعين الرجال وتشتريني

عشان اكون صادق لي عشقتك

وعشان اريحك وتريحيني

دخيل الله قولي وبصراحة

تبيني صدق والا ما تبيني؟

انا ما جيت ابلعب واتسلا

انا جيت احتويك وتحتويني

تبيني مثل كل الناس والا

تبين اقدرك وتقدريني

مثل استحملك لي من زعلتي

لي مني زعلت استحمليني

عرفيني وانا رجال وافي

وانا وافي قبل لا تعرفيني

احب الصدق لوهو من عدوي

واعاف الكذب لو من والديني

مثل ما اقبل بليني وبشموخي

لو اكره رحت بشموخي وليني

ذا عن عاذلي ديني ودينه

واذا عن غيرتي دينه وديني

انا لي ثارت الغيره بقلبي

تقول الجن الازرق معتريني

ابي وانتي معي منتي لغيري

واذا كنتي لغيري جنبيني

اغيب وتذكريني بالحشيمه

ولا امرح في ذراك وتلعنيني

طويلين الشوارب ما احقروني

تبين انتي تجين وتحقريني

اذا نفسي رضت لي لي بالمذله

ابذبحني قبل لا تذبحيني

مدام اني وفي كوني وفية

لاني ما خدعك لا تخدعيني

انا لي اخذت قدري واحترامي

خذيني مثل ما تبي تاخذيني

تبين بخوتي سيفٍ مجرب

واذا عن قوتي ليث بعريني

فإن الفيتنِ شهما شجاعا

فليس البر ان تستغفليني

فإني ضقت بالآلام ذرعا

وما في الغدر رمح يتقيني

اكف الدمع حزن بعد حزن

وعشت القمع حينا بعد حيني

لعمري كم حويت الناس قلب

وما في الناس قلب يحتويني

انا الحزن اللذي لا حزن بعدي

ولا يغني حنينُ مع حنيني

فلا من كان قبلي كان قبلي

ولامن قد يليني قد يليني

انا المملوء حزنا وانكسارا

وما فرطت في عرضي وديني

انا المختال من فخري بفقري

وتبت كل عينِ تزدريني

انا من ذقاق ملئ الارض هوناً

وما قد ذل الدنيا جبيني

فإن جائت بي الاقدار طوعا

اجوب الارض بحثا عن سجيني

فروفي واحفضي لي ماء وجهي

ولا تخشينِ واخشي الله فيني

فلو اني رجوت الله شيئا

فارجو الله ان لا تظلميني

على شان ان عشقت اعشق كلي

ابي كلك تجين وتعشقيني

فلا تقفي عيونك عن عيوني

ولا تدفي يدين الا يديني

واكون اقرب لقلبك من عروقك

واحسك بين شرياني وبيني

اسامح لك خطاك اليا خطيتي

وانا لا من خطيت تسامحيني

ولك مني عهدن ما اصد عنك

وابي منك عهد ما تخذليني

عشان ابقى معاك العمر كله

واشيل محبتك برموش عيني

انا بحلف يمين اني لصونك

فلا اخونك ولا ارد بيميني

وعساني للهلاك ان خنت وانتي

عسى الله يلعنك لو تتركيني