كلمة حق الشيخ زايد

تاج راس دبي
القصيدة: تاج راس دبي

ما جيت أبارك حاضري واضرب على الماضي صليب

جـيـتك بـابـارك لـلـسنين الـماضيه والـمقبله

مـا جـيت أسـطر لـك كـلام يشيّب اللي ما يشيب

جـيت أعـمل الـلي مـا حـد قبلي من الناس اعمله

لانـك مـليت الـجود جود وزدت فوق الطّيب طيب

إن مـا مـدحتك مـشكله.. والـيا مـدحتك مـشكله

كـيف أمدحك وانت العريب ابن العريب ابن العريب

أبـدا بـمدحك أو ف ابـوك او فـي نـسَبْك مْن اوّله

يـا سـيدي مـا فيك عيب ولو فرضنا فيك عيب ..؟

مـا فـيك عـيبٍ لـو فـرضنا فـيك عـيبْ بْنقبله

تْـحَضْر والاَّ مـا تْـحَضِرْ، تـغيب والا مـا تغيب

انـت الـبحر حـتى الـذي مـا يـعرفه مـا يجهله

لـو دون سـابق مـعرفة لا مـن بـعيد وْ لا قريب

يَـمَّـمْت وجـهي لـلورق واجـتثني صـوبك ولـه

شـفني تـجاهلت الـعرب وخـترت ملقاك الرحيب

وحـنا بـدو فـينا عـلى كـسب الـرجاجيل عجله

الـلـي خـلقني لـلخطابه يـممك صـدر الـخطيب

لأنـك هـلٍ لـلشعر , او لـن الـشعر يـعرف هله

مـاهو قـصورٍ بـالعرب بـس انت فعلك فعل ذيب

وتـرى الـشجاع اهـو الـلذي لاقـال لـه قول فعله

يـاشيخ لـو مـاصاب رمحك رمح مين اللي يصيب

لـو مـا اكـتمل عـلى يـدك حـلم الـبلد من يكمله

مـحدٍ يـعمل الـلي عـملته لـو يـجيب اللي يجيب

ومـحدن وصـل بـمحبته مـثل الـلذي وصـلت له

الـفضل لـله ثـم لـك مـن دون شـك ودون ريب

واقـع رفـضه الـلي رفـضه ويـقبله مـن يـقبله

يـد تـشيد نـاطحات الـسحب فـي راس الـشعيب

فـي ذمـتي مـا يـلتجي فـيها الـضعيف وتـخذله

مـثل الـمطر يـسقي القفار ويسقي الروض العشيب

بـس الـمطر مـن فيض مزن وذاك من فيض عمله

ان قـال فـالك طـيب اعـرف عـمر فالك مايخيب

قــرمٍ لـيامن ضـامك الـحمل الـثقيل اسـتحمله

لاصـار ابـو راشـد مـعاك وضدك الوقت العصيب

اضـحك عـلى الـحظ الردي وان طالك الفقر ازهله

يـاتـاج راس دبــي يــا قـرمٍ يـهيب مـايهيب

يـا فـزعة الـمحتاج لـي مـن الـزمان اسـتغفله

يـابعد عـمر الـمبتلي . يـانور عـين الـمستريب

يـامرجلة رجـل بـزمانٍ ضـاعت ابـه الـمرجله

يـشهد لـفضلك كـل غـصن يفوح من منهلك طيب

ويـشهد لـفضلك كـل طـيب يـفوح مـنك لمنهله

ويـشهد لـفضلك مـن صدق لك في دعاه بظهر غيب

ويـشهد لـفضلك كـل قـلب عـشت فيه وعشت له

تـشهد لـك عـروق الـشجر لـلنخل للعذق الرطيب

ويـشهد تـراب دبـي مـن قـمة هـضبته لـسهله

والـبحر والـما والـسما والمزن والروض الخصيب

والـطـيب والـلي يـفعله والـلي عـجز لا يـفعله

يـشهد لـك الـلي يـعرفك او يـرتبط بك من قريب

ويـشهد لـك الـلي مـا عرفك ولا ارتبط معك بصله

يـاشيخ مـا اقـول الـكرم مـاهو على مثلك غريب

جـيتك بـقول ان الـكرم عـقبك ضـمن مـستقبله

ماجيت اشيد بحاضرك واضرب على الماضي صليب

جـيـتك بـبـارك لـلـسنين الـمـاضيه والـمقبله

مـاجيت اقـول انـك قـدرت تـشيب اللي مايشيب

لـكن عـملت الـلي مـحد قـبلك مـن الناس عمله