كلمة حق الشيخ زايد

استغفر الله
القصيدة: استغفر الله

استغفر الله كل ما البس من ثياب الذنب ثوب"

استغفر الله العظيم ، استغفر الله (العظيم)

استغفر الله العظيم اللي علية المُعتَمد"

استغفر اللي لا إله إلا هو الفرد الصمد"

استغفر اللي منشي السبع الشداد ابلا عمد"

استغفرالحي الذي يحيي العظام وهي(رميم)

استغفر الله لأنه اهلٍ للعفو والمغفرة"

لأن الله ارحم بالعباد من العباد .. استغفره"

استغفر الله لاني اجهر في خطاي ويستره"

استغفر الله لاني اذنب واعرف ان الله (حليم)

أستغفِر اللي كل ما يستغفره عبده غفر"

أستغفِر اللي مالنا عن ساعة حسابة مفر "

استغفر الله واشهد ان اللي رحمه الله ضفر"

وعز الله ان اللي ضفر في رحمة الله(فـ نعيم)

استغفر الله لا رياء ولا نفاق ولا دجل"

استغفر الله كل ما ينتابني خوف و وجل"

استغفر الله لي عصيته وامتلى قلبي خجل"

استغفر الله كلمةٍ يبرا بها القلب (السقيم)

استغفر الله قبل لا افنى واندفن تحت التراب"

استغفر الله قبل اموت وينقفل للعفو باب"

استغفر الله قبل اجاهر بالخطا يوم الحساب"

استغفر الله قبل اجوز ابها السراط (المستقيم)

استغفرالله واسجد لوجهه واصلي له واصوم"

استغفر الله واحمده واثني عليه بكل يوم"

استغفر الله لانه الدايم ولا غيره يدوم "

استغفر الله واشهد ان الله هو البر (الرحيم)

استغفره لانه جواد ولأن لي بالله رجا"

استغفره واللي يفوز بمغفرة ربه ، نجا"

استغفره وانا الفقير اللي على بابه لجا "

وعزالله اني ما وقفت إلا على باب (الكريم)

بستغفر الله كل ساعه ،، لا لغوب ولا ملل"

واستغفر الله كل ما يبعدني من الله عمل "

واستغفر الله دامني مؤمن ولي في الله امل"

واستغفر الله قبل اطاوع كل شيطانٍ (رجيم)

استغفر الله كل ما قالو عذاب الله قوي"

واستغفر الله لي سمعت المؤذنة تدوي دوي"

استغفر الله لي ذكرت ان اللهب يشوي شوي"

استغفراللي ما يأس من رحمته غير (الغشيم)

بستغفر الله كثر من يملي السماوات ويزود"

استغفر الله كلمةٍ توصل الى ماله حدود"

استغفر الله من هنا لآخر مساحة بالوجود"

واسغفر الله كثر ما لا يعلمه غير (العليم)

استغفر الله كثر ما يمطر من المزن الهمال"

واستغفر الله كثر ما بالارض من حب الرمال"

واستغفر الله كثر من لي استغفر من الله قال":

استغفر الله العظيم.. استغفر الله (العظيم)