كلمة حق الشيخ زايد

وقفة فلاح
القصيدة: وقفة فلاح

شيخنا اللي لي جمعنا على العلم الوكيد

ان ورد ما يارد الا على عدٍ قـــراح

الشدايد .. مالها غــير رجال شــديــد

يوم بعض الناس ماعندها غير الصياح

والله انه مايفــك الحــديد إلا الحــديد

وما يوقف مثل وقفة فــلاح إلا فــلاح

بالورع سيد عقيدة .. وبالهـيــبه عقيد

رايةٍ يخفق علمها على روس الرماح

جامعِ روس العوازم على الراي الرشيد

ومستحث العزم يوم العزم بالناس طاح

لا تجنب عن طريق الصواب ولا تحيد

ارس واثبت..يا جبل ما تزعزعك الرياح

وكان ردت للعوازم .. علي الله شهـيد

مـا نجنب عنـــك حتى تشوف الدم ســاح

ومن نبح بنقول ياكلب روح انبح بعيد

وش على جمع الذيابه من اصوات النباح

لي اجتمعنا في محبتك.. يالحر الفريــد

القلوب تفوح وصدورنا مـــاهي شحــــاح

من حضر يحشم ومن لاحضر فرقاه عيد

تنفر اصحاب المصالح..من اصحاب الصلاح

انت لك موقف مشرف ولك مجدٍ تليد

يوم غيرك مايجي من وراه إلا الصياح

اشهد انه ما يفك الحــــديد إلا الحـــديد

وما يوقف مثل وقفة فـــلاح الا فـــلاح