كلمة حق الشيخ زايد

صح النوم
القصيدة: صح النوم

تمنينا نحوز أغلى مكانه في وجيه القوم   

ونعيش الخوه بوقت يضد رجاله .رجاله

تعلمنا من الدنيا .. وزدنا للعلوم علوم       

وسقنا للدروب قلوب .. رجليّه وخيّاله

وقفنا للزمن وقفة شجاعه .. والقروم قروم

          إلين إن صار واحدنا بديل أقواله..أفعاله

إلى منه خذا ، ياخذ .. مثل ماياخذ المحروم

وإلى منه عطى ، يعطي .. ولو من لقمة عياله

ولابتنا ولو باتت رحايلنا . بدون أعزوم    

نساوم للفخر بإرضه ولو بإي من اشكاله

ولاعفنا ، ولو شفنا .. على باب النهار سموم      

ولاخفنا ، ولو طفنا .. بمخراجه ومدخاله

واذا شفنا عناقيد العنب بأقصى الشجر ملموم      

نهز غصون عنقوده ، واذا ماطاح .. نرقاله

نصبر بعضنا بالكذب الابيض .. والهدف معدوم    

ونقول أنا وصلنا ، لو إنا ماوصلناله

وانا واحد من أصغرهم طموح . وللطموح رسوم 

على وجهي ، مثل قولة ( بغى شي ولا ناله )

عطيت ولا رضيت آخذ من سلوم البخيل سلوم

          ولاعمري رضيت اقعد على قلب العرب عاله

ولاأرضى بالفخر فزعة جواسيس وكلام رخوم     

ولاعمري حنيت الوجد ، بعد المجد ، لحثاله

غناي الله .. وانا رجل عزيز مقدر محشوم

          قنوع بالقدر .. وان قلت : فال الله ولا فاله

بسيط يرمي حموله على متن الجبال هموم

          بوقت للأسف عيّت تطيق همومه جباله

بوقت نزّل خشوم .. ورفع من رداه خشوم 

وخلّى قيمة الرجال بين الناس برياله

صحيت وقلت للنايم ( بعد ماقام ) صح النوم

          زمانك ماعطاك الا صورة وحطام تمثاله

سنين أطالع البارق .. واقول ان المطر محتوم     

وهو مامدّ لي كفه ، وانا ماطلت هماله

أرد أكذب على نفسي واقول ان النخل مفطوم      

وهو مابالنخل عذق عطش ماذاق شلاله

وانا مابي من البارق هماليل ومطر وغيوم

ولو ذقت العطش بعيون طرقيّه ورحّاله

تعلمت الصبر من كنت طفل بالمهد مزموم 

الين ان صرت رجل لاأنتخوبه : طوّح عقاله

وانا ماحلف بعد عمر طويل بدفنة المرحوم

بقول : الله ، ولاغير الله الرحمن نلجا له

ومثل مابالمطر خوّه الى من هلّ : كوم .. كوم     

أنا قلبي بعد يقدر يدك البيد بلحاله

واذا اسمي واصل الدنيا قبل لاالقى الحياه بيوم

          أبتركها وانا اسمي يضرب التاريخ بامثاله

واذا ربعي ( وهم ربعي ) تناسوا حقي المهضوم

          بعيض اشره على قلبي قبل لاأرثي على حاله

واذا كفي طعن كفي براس الخنجر المسموم        

بعرف أن النصيب أقرب من الرجال لضلاله

مدام أن الزمن خلا الشجاع بوقتنا مهزوم  

أجل خلّوا ضعيف النفس يقصر شرّه أشواله